22:02 цаг сүүлийн 2 өдөр (өнөөдрийг оруулаад) удаан мартагдсан өөрийн хэв маягийн дампуурлын амьдралаа эргэн дурслаа. Толгойд бодогдох элдэв зүйлгүйгээр нүүрний зурагны тэтрис баттл, дота 2 оо зэргэцүүлэн тоглож, гал тогооны өрөө орон таарсан болгоноо ходоод руугаа чулуудан, хүссэнээрээ дуу сонсож бараг 48 цагийг өнгөрөөлөө. Сайхан л байна. Дампуурал гэж нэрлэсэн энэ зүйл маань дэлхий дээр оршин тогтнож буй 6 гаруй тэрбум хүмүүсийн ихэнхийх нь хүсэж мөрөөддөг тэр нэг төрлийн ЖАРГАЛ.
Энэ үгийг бичих бүрт Чойном гуайн Жаргал, Зовлон шүлэг толгойд орох юм. Түүний шүлгүүдийг унших, сонсох бүр хэрэггүй зүйл хийдгээ бодож эргэцүүлэн хэсэгтээ л мэдэрдэггүй сайхан мэдрэмж авна.
Ойрд ном уншиж гийгүүлээгүй залуу азаар нэг юм барьж авч суугаад дуусгачихав аа хөөрхий. Нэрийг нь "Амьтны Фэрм" гэнэ. Жорж Орвэлл гэгчийн бичсэн 2 дахь алдарт зохиол нь энэ. Сайндаа ч биш нилээд нимгэн тул нэг суултаар дуусгасан болно. Өнөөгийн Монголын нийгмийг нэвт шувт буулгасан энэ ном хүн бүхний толгойд гайхалтай зураг буулгадаг юм гэнэлээ, надад ч бас... Үүний талаар дараа бичье.
Гол санаагаа бичиж амжилгүй унтья даа, ах маань унтах гээд хэвтчлээ. Хэрэгтэй хэрэггүй ч гэсэн хэдэн юмыг сараачиж л байхаас...
No comments:
Post a Comment