QUOTE

"The greatest thing about tomorrow is, I will be better than I am today...There is no such thing as a setback. The lessons I learn today I will apply tomorrow, and I will be better."

– Tiger Woods

Сонин содон

Амьдрал дургүй зүйлсээ хийж өнгөрөөхөд дэндүү богино, дэндүү хайран. Энэ үгийг унших бүрт дотор нэг л сонин болох юм. Би гэдэг хүн аливааг хийхдээ дурлаж хийдэг үү, шахуулж, хүчээр хийдэг үү? 

Энэ асуултын хариу нь бараг бүхэлдээ шахуулж, хүчээр хийдэг гэдэг дээр бууж байх шиг. Үүний шалтгааныг хайж олоход тийм ч хэцүү зүйл биш юм. Багадаа ээж, аав, эгчээр хийх зүйлсээ тодорхойлуулж, түүнийгээ загнуулж зандруулан байж хийдэг байждээ. Цэцэрлэг, сургуульд ороод багш нараар, томрох бүрт сайн найзуудын хатуухан үгсээр гэх мэт. Одоо эрийн цээнд хүрээд удаж байгаа ч ямар нэг төрлийн дарамт шахалтгүйгээр хөдлөхөө байснаа ойлгож байх шиг. Энэ бүхний бурууг бусад руу чихэхэд мөн л амархан юм. Тэд намайг тийм зантай болгож өсгөөгүй бол, тэд миний хийх зүйлсийг бүхэлд нь томъёолоогүй бол, тэд... Гэвч эцсийн шийдвэрийг би гаргадаг болсноос хойш мөн л нялхын зангаасаа салаагүй миний түмэн буруу. 

Яг сая гэнэт толгойд хэзээ ч бууж байгаагүй сайхан мэдрэмж төрлөө. Ном унших, баримтат кино үзэх, энд тэндхийн сонин сайхан үзэгдлийг судлах, аялах, сайхан хоол хийх, суралцах гэх мэт мэдрэмжүүдийг би өмнө нь хэзээ ч ийм байдлаар мэдэрч байгаагүйсэн. Гэтэл сая хэзээнээс л мөрөөдөж түүний төлөө амьдарч буй хүн шиг бүхнийг мэдэх гэсэн шунахай мэдрэмж цээж дэлсэх нь хачирхалтай л юм. Хэнээр ч хэлүүлэлгүй үүнийг л хийх ёстой юм шиг... Хэнээр ч шахуулалгүй бүхнийг өөрөө нээх ёстой юм шиг... Сонин л юм. Зиа байз энийг би ЭРХ ЧӨЛӨӨ гэх ёстой юм байна.

Чадийшдээ

TOEFL хүртэл

Attitude is everything

Англи хэл сурах, шалгалтад бэлдэхээр зогсохгүй амьдралд ямарч зүйлд шантрах, урам хугарах, залхуурах, хойш тавих асуудлууд үе үе тохиож л байдаг. Харин эдэнтэй нүүр тулах бүртээ өөрийгөө эрүүл, саруул байгаа гэдгээ мэдрээд, тэдэнд бууж өгч л болохгүй юм байна даа..

You are frequently faced the problems such as discouragement, disappointment, laziness, and procrastination while you are not only learning English and preparing exams but also every other things you are doing or aiming. Whenever they happen, feel that you are perfectly normal like every other people and always think about "not to give up!".

Шидэт үг

Хүн бүрт шидэт үг байдаг. Гуньж гутарсан, зовж шаналж явахад тэр үгийг санахаар, эсвэл тэр үгийг бодож сэрэхээр урам орж сэтгэл нь сэргэдэг тийм үг зүрхний чинь хаа нэгтээ байж л байдаг. Надад ч мөн тийм үгс цөөнгүй олон бий. Харин сүүлийн хэдэн өдрүүдэд нэг үг их тус хүргэж явах юм. Тэр нь "Өнөөдөр л... Яг одоо л..." "Би чадна гэдгээ мэднэ, харин хийх л үлдлээ" гэх мэт. 

Буддын шашны гол төлөөлөгч болох 14-р Далай ламаас нэгэн сурвалжлагч: 

Далай Лам, Танд хvн тєрлєхтний юу нь хамгийн сонин санагддаг вэ? 

Гэсэн асуултанд: “Хvн. Яагаад гэвэл хvн мєнгє олхын тулд бvх л эрvvл мэндээ золиослодог. Дараа нь эрvvл мэндээ буцаан олхын тулд бvх олсон мєнгєє золиослодог... ... Тэгээд тэр ирээдvйн тєлєє яаран єнєєдрєє умартаж орхидог. Vр дvнд нь тэр єнєєдєр маргааш хоёрын алинд нь ч амьдарч чададгvй. Тэр хэзээ ч vхэхгvй юм шиг амьдардаг, тэгээд эцэст нь хэзээ ч амьдраагvй юм шиг vхдэг." гэж хариулсан гэжуга. 

Энэ дундаас "Тэр ирээдүйн төлөө яаран өнөөдрөө умартаж орхидог. Үр дүнд нь тэр өнөөдөр маргааш хоёрын алинд нь ч амьдарч чаддаггүй" гэсэн хэсэг л дээрхи үгсийг миний толгойд хадаж өгсиймдаа. За юутайч энэ сайхан үгсийн шидээр хэдэн хоног амьдраад үзье дээ...

Чи!

Чамайг өөрөөс чинь өөр хэн ч чиний потенциал буюу хийж чадах, чадахгүй зүйлсийг чинь үнэлж тодорхойлж чадахгүй! эрх ч байхгүй! Бүр ялангуяа чамайг сайн мэддэг гэж өөрсдийгөө бодогсод бүр ч боломжгүй!! Тэр үнэлгээнд чи итгэсэн тохиолдолд л үнэн болж хувирна.

Өдөөгч...

Эргэн тойронд 2 төрлийн өдөөгч байна: урам, басамжлал. Аль нь илүүг ялгачихмаар ч юм шиг.